藝人傅嘉莉（Kelly）早前於台慶劇《香港人在北京》的搏盡演出大獲好評，人氣急升的她除了忙於拍新劇外，近日更首次夥拍Mixx Collection帶貨女王ViVi Chan現身其直播間，初嘗直播帶貨，介紹法國星級護膚品兼分享自己扮靚護膚心得。
對於首次直播帶貨，Kelly覺得開心又好玩，更搞笑火雞姐上身向網民高呼：「唔買唔係兄弟！」而直播主ViVi大讚傅嘉莉傻氣鬼馬得來又非常專業：「我早一個月前俾哩套護膚品Kelly試，佢真係好認真日日試用每件產品，同埋會做哂功課話返我聽覺得邊隻好用，點樣用會好吸收。」 而提到美容秘訣，Kelly自言拍戲忙又日夜顛倒，但為了靚靚都盡力不偷懶。「我自己好鐘意使用家用美容儀做導入，如果Skincare得一樣，點都要用精華液，做好補水！」她甚至鼓勵男士都要好好護膚，好的精華液男女都通用。
兩個多小時的直播吸引數千網民在線觀看，令近日同時入圍《萬千星輝頒獎典禮2023》「飛躍進步女藝員」及「最佳女配角」的Kelly不忘趁機會拉票，呼籲各網民姊妹投自己一票：「我都係好似第一次咁樣公開同觀眾拉票，希望大家支持08（飛躍女候選號）、29（女配候選號）！」
(圖片來源: Instagram: @kelly.fuu)
更多詳情可按此或留意Mixx Collection社交媒體。
